whatsapp 在線查詢
由於疫情關係，大部份公司都計劃喺年尾大展拳腳，希望下半年可以收復失地。最近小弟都收到唔少Agency打電話叫我買7 x 24 Google廣告，話可以無限次顯示廣告，我大致明白個原則，都係一場賭大細嘅遊戲，所以冇show佢地。但我都留意到開始好多公司都投資廣告Budget喺關鍵字廣告，以往買開的關鍵字Bid價愈來愈高，如果要繼續喺第一頁出到廣告，起碼要加多3-4成價格。
以上係我地其中一個品牌e-print Gift嘅現況，由於競爭對手愈來愈多嘅關係，每日400蚊已經唔夠駛，出現左Limited by Budget呢d字眼。佢有個建議俾到我地嘅，如果想唔受Budget的限制，建議我地將每月個廣告預算提高一倍到每日800蚊，計番25個工作天，每個月要俾差唔多$20,000廣告費用。由於禮品業務呢期生意真係唔係幾好，所以都唔敢貿貿然加大一倍廣告預算做關鍵字。
當然，關鍵字冇話貴唔貴，最緊要睇轉換率有幾多。如果你的廣告Campaign目標轉換率好高，而產品價值亦都有番咁上下，當然可以繼續賣網上廣告。
但係當你廣告Campaign目標轉換率唔高，而關鍵字個競價又高的情況下，真係可以諗一諗其他方法。
就拎番我地個品牌e-print Gift做例子，我地賣關鍵字主要個目標係想通過網站增加Sales Lead，客戶喺網站如果搵到心水禮品，就會將有關禮品型號放喺報價列表，提交後我地嘅CS就會聯絡佢地。
但係，由於禮品業務呢個行業競爭好大，每一個關鍵字都要成 $ 2X 至$ 3X 一下，所以我地400蚊一日嘅Budget只係夠客戶點擊15至20下，廣告預算好快就會用盡。
問題出現了，究竟一日15-20下的點擊率可以形成多少Sales Lead呢?真實數字唔講喇，反正都唔係咁好。我當每日有20%的點擊可以轉換成Sales Lead，即每日有3-4個客戶向你進行查詢或提交報價。
按照禮品行業的報價成功率30%-35%計，推算每日最多有一個客戶落單，意思即是指$ 400 可以換成一張訂單。以禮品行業來計，每張訂單價格均接近$5000以上，照道理計亦是穩賺的。
但很可惜，以上數字是疫情之前較旺市的數據。按照上文所說，疫情後，競爭對手投放大量資源到關鍵字廣告，點擊數量大跌至每天10-15次，每個關鍵字的首頁競價金額亦大幅上升，以致我們的廣告不少跌至第二頁。
最後，我們需要接近$800才能得到一張訂單，而最近的訂單金額又比較小，所以有時可能會入不敷支。唔知道你地有冇遇到相同的問題呢?
e-print作為一間印刷公司，印刷自然係我地嘅強項，自從我地發現網上廣告呢期唔係幾work嘅情況下，我地都試下用郵寄宣傳品 (包括單張及小冊子)俾目標客戶。老實講，雖然大量投寄呢個Project係小弟負責，但係我都係第一次試用呢個服務，反應都算唔錯。
我地上網搵左一批中小學同幼稚園地址，數量大約係1500個左右。我們留意到開始有不少學校客戶查詢有關開學用品以及一些健康防疫用品，所以我們將此類型產品的資料制作成書仔，再搭配幾件Sample以郵寄方式發送至全港中小學，成效令我地喜出望外。
首先講下我地用左幾多錢先：
| 項目 | 單位 | 金額 |
| A5 8PP騎釘書 | 1500本 | $ 1,368 |
| 開學用品及防疫用品Sample | 1500份 | $ 7,500 |
| 公文袋 | 1500個 | $ 1,140 |
| 郵寄費用 | 1500份 | $ 10,200 |
| 貼紙費用+影印機費用 | 1500份 | $ 200 |
| 人工 | 2人1天 | $ 1,000 |
| 運輸費 | 1程 | $100 |
| 總計 | \ | $ 21,508 |
*以上價格為e-print出街價計算 (實際數字約以上金額7成)
$21,508相等於關鍵字廣告兩個月的Budget，而此項目最終的成效是我們成功轉化了30-40張訂單，雖然成功率只有可憐的3% (4捨5入)，但是帶來的收益亦較關鍵字廣告多。而我地樂觀估計，雖然另外1460間學校沒有落單，但只要他們有拆開公文袋，對e-print Gift的印象應該會較一般禮品公司深。
上面提到的大量投寄宣傳品是有限制的，如果目標客戶是NGO、學校等團體機構，獲得地址的可行性較高，亦很容易製作郵寄列表。但如果沒有地址又可唔可以進行投寄宣傳呢，其實是可以的。
郵政局有一個通函投寄服務，客戶可選擇向目標區域的住宅或商業單位進行投寄，非常適合於一些地區性業務。例如最近你在將軍澳康城新開一間餐廳，目標客戶為附近的住戶，採用通函郵寄將試食coupon送到目標客戶手上。
郵政局數據顯示現時康城一期及二期的住戶約有6000戶，如果使用通函郵寄一張A5size宣傳卡，郵寄費用為 $ 5400，而e-print的印刷費為 $ 765，總費用為$ 6,165。不過要留意一點，並非所有郵局可以作出通函郵寄，而投寄品的樣式亦有一定限制，各位如有興趣可先瀏覽郵政局通函網頁。e-print有提供通函代寄服務，方便一些附近沒有投寄局的客戶，詳情可以瀏覽e-print網頁。
其實各種宣傳方法均有好處，關鍵字廣告可以有效計算成效，亦可針對不同搜尋意圖的客戶出作出宣傳。而大量投寄及通函郵寄則可以可通過數據庫及地域性作出宣傳，如果有吸引的內容，相信亦可以達到不錯的宣傳效果。
而本文提到的郵寄單張比關鍵字廣告更有成效並非必然，但希望各位於有限的時間及資源下，可以選用最適用於自己的宣傳方法
囍帖：即指一對即將新婚的新人們，發送給親友邀請他們出席自己人生大事的邀請函。這傳統由來已久，清朝時稱為「團書」
即將結婚的新郎哥準備好接新娘了嗎？姊姊們又預備好在新人結婚當日玩新郎、伴郎、兄弟了嗎？新郎接新娘，少不了誠意，
送禮物給別人，最後加上一個體面的禮物包裝，除了會給人一種得體的感覺外，也令禮物變得更精美，還可增加對方的期待感
有時製作廣告及單張時，通常都會選用A5,A4等易收藏的尺寸。假如我們想更加多資訊加入去？又不想製作書本，可以如
宣傳卡是什麼宣傳咭是一種宣傳工具，通常是以卡片形式設計，向潛在客戶或現有客戶宣傳公司產品、服務或品牌。它通常包
如果你在搜集喜帖的資訊，我們整理出2019年五大流行的喜帖設計元素，希望對你設計喜帖時能有幫助吧。
結婚誓詞是對彼此宣講愛的宣言，是對大家關係的永恆承諾，是未來契約的象徵，是一生人只說一次的感動誓言。 婚姻是一
學校運動會是學校每年舉辦的體育賽事，旨在促進學生們參與體育運動、增進身體健康、培養團隊合作精神和競爭意識。學校
有時製作廣告及單張時，通常都會選用A5,A4等易收藏的尺寸。假如我們想更加多資訊加入去？又不想製作書本，可以如
初次製作印刷稿件的朋友，沒有沒聽過「出血」這個術語？ 「出血」之所以重要，是因為印刷時，紙張遠比A3或A4等尺
一般印刷用紙，常見可以分成非塗佈紙、塗佈紙、輕量塗佈紙、特殊紙等4大類。
當你印製宣傳單張時，經常會被問到要什麼紙質？要多少g 紙？一開始時接觸時，會版一大堆128g光粉紙、80g書紙、157g啞粉紙搞亂得不知所措。
印書要注意的事項往往比其他印刷品多，因為書刊的產品結構相對複雜。其中兩個十分重要的環節就是書刊釘裝及排版設計。
喜帖不能亂寫，現列出八大你必須注意的要點！
